|
Die stoet het sy ontstaan gehad deur een troetelmerrie vir ons kinders aan te
skaf. Die merrie se mooi temperament en liefdevolle geaardheid het ons meer
navorsing oor die besondere ras laat doen. Verskillende stoete is besoek en het
ons nog ses merries en ‘n hings aangeskaf. Ons het ‘n stoet by SA Stamboek
registreer.
Die merries word voortdurend geselekteer om aan die hoe standaarde
van die nuwe generasie miniatuurperde te voldoen. Slegs hingste wat uit die
wereld se top teellyne geteel is word gebruik. Arions Apollo Destiny geteel uit
Alvadars Double Destiny, Little Kings Buckeroo Times Two en Boones Little
Buckeroo is tans die stoet se teelhings. Sy eerste merrievul is ook as die
Opperste Kampioen by die SA Streekskou te Pretoria aangewys.
Uitsonderlike sukses is behaal deur groot beweeg ruimte vir hierdie ras te gee. Interaksie in tropverband word hierdeur versterk.
Deur jong diere gereeld te laat hardloop word sterk bene en spiere gebou.
Perde is lief daarvoor om vroeg soggens en laat saans te hardloop. Merries uit die nageslag van sewe verskillende ingevoerde bloedlyne word in die stoet se teelprogram gebruik. Teel diere word streng onder die volgende kriteria geselekteer. 1. Vrugbaarheid 2. Temperament 3. Konformasie 4. Beweging 5.
Tipe 6. Styl 7. Hoogte 8. Kleur
My liefde en passie vir hierdie ras is die dryfveer agter die stoet se sukses. Al die vullens word daagliks hanteer.Prof van Heerden is die stoet se veearts en doen uitstekende werk. Ons strewe bly steeds om die kleinste korrekte perd te teel onder die voorwaarde dat geen dwerg eienskappe sigbaar mag wees nie,
en konformasie steeds moet voldoen aan die groter rasstandaarde.
|
